為方便讀者瀏覽各篇文章,可以參看本BLOG的文章/遊記目錄.

特別通告:

1)由於Google地圖近日有關路線規劃的功能有所修改,引致本blog部份使用Google製作的遠足路線地圖(特別是2013年或以前)的路徑出現不正常的偏移. 請各位讀者小心使用地圖,所有地圖只供參考,應參看官方地圖為準.

2) 由於Microsoft會取消Photosynth功能,本網站部份360度全景圖將無法正常顯示. 本blog將會待將來更新網誌內容時逐步以VR虛擬實景360度全景圖取代有關Photosynth 360度全景圖.

3)網誌上提及經過的路徑,並不代表行人有權進入有關路段。路徑亦可能因應環境的改變而無法通行,請留意現場環境及有關方面的公佈,注意安全!

4) 版權公告: BLOG主暫時未有計劃授權其他網站轉載此BLOG的資料. 請尊重版權.如覺得此BLOG內容值得推介,請以超連結形式推介本BLOG,謝謝!

2017年7月30日 星期日

GoBee.Bike 單車試用 [半小時免費邀請碼: a683j5]

初稿: 2017年7月30日5:55PM
第一次修訂稿: 2017年8月13日5:15PM
第二次修訂稿: 2017年8月17日10:45PM
第三次修訂稿: 2017年9月2日11:30PM

首先聲明,呢篇文唔係廣告文,純粹係用家試用後的BLOG文.

雖然唔係遠足活動,不過呢類「共享單車」服務其實適合郊遊活動多於代步,因為價錢太貴(區內巴士/小巴未必要$5單程). 所以blog主都想介紹下用後感.

如果未安裝這個APP的話,俾完押金$399 之後,可輸入邀請碼 a683j5 , 羅半個鐘免費試用.
[利申: 如果你入左以上邀請碼,BLOG主亦會有同樣獲得半小時的使用時間]

手機APP篇

BLOG主係使用iOS 平台安裝手機APP, 安裝後可以查閱附近有什麼單車,但根據筆者經驗,即使在空曠地方,定位準確度都係未夠你知道確實邊部車泊邊度. 下圖是調景嶺一帶手機APP顯示單車停車的示例,雖然一個政府單車停車場(下面手機APP 藍色P字位)實際隨時有十幾廿架車以上,但係手機APP內根本就見唔到有車係停車場內,全部都偏離左停車場範圍. 因此筆者建議,係新市鎮的話,不妨去單車停車場找尋一下而非靠手機APP慢慢找.


另外,手機APP有背景用定位的問題,要手動關APP.


安裝手機APP後, 要登記戶口同俾錢才可以租車,依家登記可使用手機號碼或FACEBOOK 戶口. 然後可用信用卡或APPLE PAY 俾押金. 可能大家之前都唔陌生之前曾傳聞呢類中小企業手機APP有泄露信用卡資料的危險,因此我選擇用APPLE PAY 俾錢.

跟著就係入邀請碼, BLOG主的號碼係 a683j5 , 入左就可以羅半個鐘免費試用. 否則,就要好似八達通增值咁,入定$50/$100,之後才可以開始用. 收費係$5/30分鐘, 因此31分鐘就$10. 建議早五分鐘就要找地方泊車,否則得一兩分鐘未必咁易找到合適泊車位.

[第二次更新加入提示:

GoBee. Bike 最近加入了部份較少見的單車(以紫色標示,按入去會寫上單車號碼),踩去指定泊車點(以紅圈標示)可以有首半小時免費優惠. BLOG主測試了幾次,發現有關功能並不穩定,有時會無左優惠,建議你print screen 記下有關畫面,如果無左優惠就可以facebook 私信俾GoBee. Bike叫佢地check 返. 根據blog主經驗,要兩日後才會回覆]

搵車/試車/解鎖篇

GoBee.Bike 個網頁其實都有介紹點樣用,有D貼士可以提供係搵到車之後,用手機APP解鎖單車前,記緊留意下電話信號強度,以免網絡不穩發生問題.

網上如果睇APP STORE留言,會見很多人都反映D車有些壞左,所以GoBee.Bike 個FACEBOOK 有提醒拎車前,記緊試下D基本裝備,例如座位同腳踏,煞車制等. 如果夜晚用,更要睇下D車頭/車尾燈用唔用到. 另外,由於呢間公司不斷有新車推出,因此會見到有少許不同設計的單車,大家不妨試下各種設計,睇下邊隻易用D.




用手機APP掃瞄QR CODE後, 架車後響一聲,之後車尾的單車鎖會解開,然後可以開始使用.


BLOG主試過解鎖失敗,雖然聽到響聲,藍燈亦閃左一下,但鎖未有解除,而個APP無當我租到並出左錯誤提示.


接著就可以自由去踩. 由於無波段選擇, 根據筆者經驗,行平路或上輕微斜路係無問題,但要上天橋或落隧道就真係體力的考驗.

[第三次更新補充: 如果想慳力一些,記緊調校座位高度,最好是坐上座位後非常牽強用腳踏到地就最省力. 如果很容易踏到地則太低,容易令到兩隻腳過分屈曲,浪費體力.]

最後去到停車位泊低架車,跟著手動鎖車,記緊鎖車又係會響一聲同有藍燈. 雖然係唔少地方都會見到d人亂泊街邊好似幾方便,但為免其他人找唔到車用或阻礙其他人,blog主都係建議泊返政府停車位.






然後睇返手機APP,會見到有行程簡介,由於係第一次試用,所以免費. 筆者平路大約踩到最高時速約15km/h. 半個鐘有上落斜,大約踩到6km.